Shoqta e gruas “ Jeta në Kastriot ”
Shoqata Joqevritare “ Jeta në Kastriot” përveq që mban nën mbikqyerje 2016 Femra të cilat kanë përjetuar dhunë seksuale, fizike dhe psikike nga Policia dhe Ushtria Serbe gjatë luftës së fundit , tani përkujdeset edhe per Grat e veja që janë nëna vetëmbajtëse të familjes si dhe Fëmij jetim pa asnjë prind që janë nënë përkujdesje të peronave të tretë. Këto femra dhe këta fëmijë kanë nevojë për trajtim mjeksor dhe ndihma të tjera për të jetuar sepse mbi 70% e tyre nuk gëzojnë asnjë ndihmë finaciare .
Në OJQ „ Jeta në Kastriot ” që nga 1999 e deri më sot punojmë një ekip prej 15 vetash të profesioneve të ndryshme, i tërë aktiviteti ynë që bëjmë është punë vullnetare dhe ka shtrirje në tërë Kosovën , misioni ynë ka qenë dhe është që tua lehtësojm sado pakë dhimbjet e tyre qofshin ato shëndetësore , psikologjike dhe materjale kësaj kategorie të shoqërisë sonë e cila ka qenë dhe është edhe sotë pjesa më e rëndë e dalur nga lufta që duhet vrarë ndërgjegjën e secilit prej nesh .Këto kanë pasur nevojë të përkrahen në forma të ndryshme nga institucionet dhe bamirësit : si në aspektin shëndetësor , psikologjik dhe materjal .Nga aktiviteti jonë në teren kemi identifikur 2019 femra të kësaj kategorie ku 124 prej tyre kanë plagë të dukshme në trup (kanë gjinjë të prerë, gishtrinj të këputur, 9 me nga një sy të nxjerrur ose dëmtuar 16 në fytyrë kanë plagë të hapura dhe janë në gjendje të rëndë shëndetësore dhe 3 kanë bërë vetëvrasje. Përveq traumave psiqike dhe fizike që kanë marë ato përballen edhe me skamje dhe përbuzjen e rrethit por në shumë raste janë braktisur edhe nga vetë bashkëshortët e tyre gjë që ato detyrohen të kujdesen edhe për fëmijët e tyre. Duke u nisur nga kjo gjendje i kemi dhënë veti detyrë që t’ju ofrojm përkujdesje mjekësore që t'i largojm nga gjendja e vështirë psiko –fizike dhe një ditë të bëhen të pavarura dhe të adaptohen në shoqëri pa pasur nevojë për ndihmën tonë.
Ne si organizatë gjatë kësaj periudhe të aktiviteteve tona kemi të arritura dhe suksese të dukshme disa prej tyre po i përmendi :186 femra në aspektin shëndetësor tani më nuk kanë nevojë për ndihmën tonë përveq konsultimeve te rralla me psikologen, 32 femra janë duke i vijuar studimet gratis, 25 janë kualifikur si frizere, grimere, etj për qështje estetike,
20 janë kulifikuar si rrobaqepse dhe stiliste,30 kanë kryer të gjitha nivelet e kurseve për kompjuter, 12 kanë kryer kurset e gjuhes angleze dhe 8 gjuhes gjermane , 12 janë kualifikuar si kuzhiniere profesionaliste , 30 kanë kryer kurse per perkujdesje në qerdhe si edukatore kurse 6 presim ti ndihmojm të regjistrohen në fakultetin e edukimit .

Aktiviteti dhe sukseset e cekura më lartë janë realizuar duke ju falenderuar njerëzve human të cilët në forma të ndryshme kanë ofruar ndihmën e tyre qoft profesionale apo materjale. Kjo kategori ka nevojë akoma për ndihmën e juaj andaj presim që edhe në të ardhmen të tregohemi solidar , vetëm kështu ua lehtësojmë tërë këto vuajtje që kanë ato dhe fëmijët e tyre.
Organizata jonë do të mbetet përgjithmon e lidhur me kauzën :të ndimojmë këtë pjesë të shoqërisë sepse këto janë viktima të luftës dhe kanë nevojë për ndimën e secilit prej nesh.

“ Përshëndetje nga Luljeta Selimi ”